নতুন দিল্লী : দিল্লীৰ মুখ্যমন্ত্ৰী পদৰ পৰা পদত্যাগ আতিশী মাৰ্লেনাৰ । দেওবাৰে পুৱা তেওঁ ৰাজনিৱাসত উপস্থিত হৈ পদত্যাগ পত্ৰ দাখিল কৰে ।
উল্লেখ্য যে দিল্লী বিধানসভা নিৰ্বাচনত আম আদমি পাৰ্টী চমুকৈ আপে শোচনীয় পৰাজয়ৰ সন্মুখীন হয় । আনহাতে, ভাৰতীয় জনতা পাৰ্টীয়ে এতিয়া দিল্লীত চৰকাৰ গঠন কৰিব । আশা কৰা হৈছে যে শীঘ্ৰেই বিজেপিৰ এগৰাকী নেতাই দিল্লীৰ মুখ্যমন্ত্ৰী হিচাপে শপত গ্ৰহণ কৰিব ।
২০২৪ চনৰ ২১ ছেপ্টেম্বৰত অৰবিন্দ কেজৰিৱালে মুখ্যমন্ত্ৰী পদৰ পৰা পদত্যাগ কৰাৰ পিছত আতিশীয়ে দিল্লীৰ মুখ্যমন্ত্ৰী হিচাপে শপত গ্ৰহণ কৰে । কিন্তু এইবাৰৰ নিৰ্বাচনত দিল্লীৰ ৰাইজে আম আদমি পাৰ্টীক ক্ষমতাৰ পৰা উৎখাত কৰে । আপে মাত্ৰ 22 খন আসনতে সন্তুষ্ট থাকিবলগা হোৱাৰ বিপৰীতে ভাৰতীয় জনতা পাৰ্টীয়ে 48 খন আসন দখল কৰি নিৰংকুশ সংখ্যাগৰিষ্ঠতা অৰ্জন কৰে ।
- আম আদমি পাৰ্টীত এক বৃহৎ আঘাত
২০১৫ আৰু ২০২০ চনৰ বিধানসভা নিৰ্বাচনত এক অভূতপূৰ্ব বিজয়ৰ পিছত এইবাৰ আম আদমি পাৰ্টীয়ে দিল্লী বিধানসভা নিৰ্বাচনত এক প্ৰচণ্ড আঘাতৰ সন্মুখীন হৈছে । ৰাজ্যখনৰ মুঠ বিধানসভা আসন ৭০ খনৰ ভিতৰত আপৰ আসন সংখ্যা ২২ খনলৈ হ্ৰাস পায় । আনহাতে, বিজেপিয়ে ৪৮ খন আসন দখল কৰি দিল্লীৰ জনসাধাৰণৰ বিশ্বাস জয় কৰে ।
উল্লেখ্য যে দিল্লী বিধানসভাত বিজেপিয়ে প্ৰথমবাৰৰ বাবে একক সংখ্যাগৰিষ্ঠতা অৰ্জন কৰিছে । আনহাতে, নিৰ্বাচনৰ ফলাফলৰ পিছত আম আদমি পাৰ্টীৰ নেতাসকলে পৰাজয়ৰ নৈতিক দায়িত্ব স্বীকাৰ কৰি তেওঁলোকৰ পদত্যাগৰ প্ৰস্তাৱ দিয়ে । ইফালে মুখ্যমন্ত্ৰী আতিশীয়েও তেওঁৰ পদৰ পৰা পদত্যাগ কৰাত নতুন চৰকাৰ গঠনৰ পথ প্ৰশস্ত হৈছে ।
- ২৭ বছৰ পিছত দিল্লীত হ'ব বিজেপি চৰকাৰ
দিল্লীত ঐতিহাসিক বিজয়ৰ পিছত বিজেপিয়ে চৰকাৰ গঠনৰ বাবে প্ৰস্তুতি আৰম্ভ কৰিছে । দলটোৱে শীঘ্ৰেই মুখ্যমন্ত্ৰী পদৰ বাবে প্ৰাৰ্থী বাছনি কৰিবলৈ দলটোৰ বিধায়িনী দলৰ এখন বৈঠক আহ্বান কৰিব । এইটোও অনুমান কৰা হৈছে যে প্ৰথমবাৰৰ বাবে দিল্লীত এজন বিজেপিৰ নেতাক মুখ্যমন্ত্ৰী হিচাপে নিযুক্ত কৰা হ'ব আৰু নতুন চৰকাৰে দায়িত্ব গ্ৰহণ কৰিব । আতিশীৰ পদত্যাগৰ পিছত এতিয়া দিল্লীৰ ৰাজনৈতিক দৃশ্যপট সম্পূৰ্ণৰূপে সলনি হ'ব ।
এই মুহূৰ্তত সকলোৰে দৃষ্টি লেফটেনেণ্ট গৱৰ্ণৰৰ ওপৰত নিবদ্ধ হৈ আছে । কাৰণ তেওঁ বিজেপিক চৰকাৰ গঠনৰ বাবে যিকোনো মুহূৰ্তত আমন্ত্ৰণ জনাব পাৰে । এইটো হৈছে দিল্লীৰ ৰাজনীতিত এক গুৰুত্বপূৰ্ণ পৰিৱৰ্তন । এই পৰিৱৰ্তনত আম আদমি পাৰ্টীয়ে ক্ষমতা হেৰুওৱাৰ বিপৰীতে বিজেপিয়ে প্ৰথমবাৰৰ বাবে নিৰংকুশ সংখ্যাগৰিষ্ঠতা অৰ্জন কৰিছে ।