চান্দৌলি :১৯৯০ চনতে সংঘটিত হৈছিল এক মাৰপিটৰ ঘটনা । কিন্তু ৩৪ বছৰৰ পিছত হে গ্ৰেপ্তাৰ হ'ল ঘটনাৰ অভিযুক্ত । আদালতৰ নিৰ্দেশৰ পিছতে আৰক্ষীয়ে গ্ৰেপ্তাৰ কৰে বৃদ্ধজনক । পিছে অভিযুক্তজনক দেখাৰ পিছতে ন্যায়াধীশে লগে লগে জামিন প্ৰদান কৰে ।
চান্দৌলিৰ মাৰপিটৰ ঘটনা
উত্তৰ প্ৰদেশৰ চান্দৌলিত প্ৰায় ৩৪ বছৰ পূৰ্বে সংঘটিত মাৰপিটৰ ঘটনাটোৰ অভিযুক্তজন হৈছে কেদাৰ মাল্লা । অমৰচীপুৰ গাঁৱৰ বাসিন্দা কেদাৰ মাল্লাৰ বয়স বৰ্তমান ৯০ বছৰ । আৰক্ষীয়ে জনোৱা মতে ১৯৯০ চনত তেওঁৰ চুবুৰীয়াৰ সৈতে কোনো বিষয়ক লৈ বিবাদ হৈছিল । যাৰ ফলত তেওঁলোকৰ মাজত মাৰপিট হৈছিল । চুবুৰীয়াই শ্বাহাবগঞ্জ আৰক্ষী থানাত আক্ৰমণৰ এক গোচৰ ৰুজু কৰিছিল । এই গোচৰটো ধাৰা ৩২৩ আৰু ৫০৪ৰ অধীনত পঞ্জীয়ন কৰা হৈছিল ।
তদন্তৰ অন্তত আৰক্ষীয়ে অভিযোগনামা আদালতত দাখিল কৰিছিল । প্ৰাৰম্ভিক দিনৰ পৰাই আদালতত চলি আছিল গোচৰটোৰ বিচাৰ । কেদাৰ মাল্লাও নিৰ্দিষ্ট দিনবোৰত আদালতত হাজিৰ হৈছিল । কিন্তু কিছু দিনৰ পিছতে গোচৰৰটো তেনেকৈয়ে পৰি থাকিল । বয়স বৃদ্ধি হোৱাৰ বাবে তেওঁ নিজেও ইয়াক অনুসৰণ কৰিবলৈও পাহৰি গ'ল । আনকি তেওঁৰ পৰিয়ালৰ সদস্যসকলেও এই ঘটনাটোৰ বিষয়ে পাহৰি গ'ল । ইফালে, গোচৰ ৰুজু কৰা চুবুৰীয়াজনেও ইয়াৰ প্ৰতি গুৰুত্ব দিয়া বন্ধ কৰিলে ।