مہاراشٹر میں انوکھی شادی، 36 انچ کا دلہا، 31 انچ کی دلہن

مہاراشٹر میں ایسی شادی ہوئی ہے جس کے بارے میں آپ بھی کہیں گے رب نے بنا دی جوڑی۔ بدھ کو 36 انچ کے دولہے سندیپ سپکالے نے جلگاؤں میں 31 انچ کی دلہن اجولا سے شادی کی۔ شادی کی اس تقریب کے دوران دلہا اور دلہن کے ساتھ سیلفی لینے کے لیے قطار لگ گئی۔ سندیپ نے کہا کہ مجھے خوشی ہے کہ مجھے اپنے قد کی لڑکی ملی۔ میں اجولا کو ہمیشہ خوش رکھوں گا۔ دوسری جانب سندیپ کی والدہ نے کہا کہ میں اجولا کو اپنی بہو نہیں بلکہ بیٹی کے طور پر رکھوں گی۔ اس انوکھی شادی کا چرچا پورے جلگاؤں میں تھا۔ اس دوران لوگوں نے جوڑے کو مبارکباد دی۔