جب ایئر انڈیا کا طیارہ فٹ اوور برج کے نیچے پھنس گیا

قومی دارالحکومت دہلی میں ایک فٹ اوور بِرج کے نیچے پھنسے ایئر انڈیا کے طیارے کی ویڈیو سوشل میڈیا پر تیزی سے وائرل ہورہی ہے۔ جس میں واضح طور پر دیکھا جاسکتا ہے کہ ایئر انڈیا کا ایک طیارہ فٹ اوور برج کے نیچے پھنس گیا ہے۔ یہ واقعہ دہلی-گروگرام روڈ پر آئی جی آئی ایئرپورٹ کے قریب کا بتایا جارہا ہے۔ وائرل ویڈیو میں ایک طیارہ دہلی-گروگرام ہائی وے پر دیر رات ایک فٹ اوور برج کے نیچے پھنسا ہوا دیکھا گیا۔ یہ طیارہ ایئر انڈیا کا بتایا جا رہا ہے۔ اس طیارے کے پنکھ بھی نہیں ہیں۔ طیارے کو برج کے نیچے پھنسا دیکھ کر راہگیروں نے اس غیر معمولی منظر کو کیمرے میں قید کرنا شروع کردیا۔ فوٹ اوور برج کے نیچے پھنسے ہوائی جہاز کا اگلا حصہ ویڈیو میں نظر آرہا ہے جب کہ طیارہ پنکھ والے حصے کے پاس سے پھنسا ہوا ہے۔ ویڈیو سوشل میڈیا پر وائرل ہونے کے بعد نیشنل کیریئر کمپنی(National Carriers) نے اس کے بارے میں وضاحت کی۔ کمپنی نے کہا کہ فٹ اوور برج کے نیچے پھنسے اس طیارے کو فروخت ہوچکا ہے نیز یہ طیارہ غیر رجسٹرڈ اور منسوخ کردیا گیا ہے۔ نیشنل کیریئر کا کہنا ہے کہ یہ واقعہ طیارے کو لے جاتے وقت پیش آیا۔ اس کے ساتھ ہی ایئر لائن کمپنی ایئر انڈیا نے وائرل ویڈیو پر وضاحت دیتے ہوئے کہا کہ کمپنی کا دہلی-گروگرام ہائی وے پر فٹ اوور برج کے نیچے پھنسے اس طیارے سے کوئی تعلق نہیں ہے۔