ارریہ: کلہڑ والی چائے کی مقبولیت سے کمہار خوش

آج کی بھاگ دوڑ بھری زندگی میں انسان اطمینان اور سکون کے لئے مختلف طرح کے مشروبات کا استعمال کرتا ہے۔ انہیں میں ایک ہے چائے۔ چائے پینے کا عمل قدیم زمانے سے چلا آ رہا ہے جو اب تقریباً ہر عمر کے لوگوں کی ضرورت بن گئی ہے۔ دوست اور احباب کے یہاں جائیں یا پھر بطور مہمان رشتہ داروں کے یہاں، ضیافت کے لئے سب سے پہلے چائے ہی پیش کی جاتی ہے۔ خاص بات یہ ہے کہ چائے کو پیش کرنے کے لیے بھی ایک سے ایک انداز اور طریقے اختیار کیے جاتے ہیں۔ویسے تو چائے زیادہ تر گلاس یا کپ میں ہی پیش کی جاتی ہے، لیکن ارریہ میں ان دنوں کلہڑ میں چائے پینے کا رواج عام ہو رہا ہے۔