بے قابو آڈی نے دس لوگوں کو کچلا، دیکھیں ویڈیو

جودھپور کے چوپاسنی ہاؤسنگ بورڈ تھانہ علاقے میں ایمس روڈ پر ایک دل دہلا دینے والا واقعہ پیش آیا۔ ایک تیز رفتار آڈی نے سڑک پر چل رہے کئی لوگوں کو روند ڈالا۔ اس کے بعد گاڑی سڑک کے کنارے جھونپڑیوں میں گھس گئی۔ حادثے میں ایک نوجوان ہلاک، جبکہ 9 افراد زخمی ہوگئے ہیں۔ سی ایم اشوک گہلوت نے معاوضے کا اعلان کیا ہے۔ گاڑی کو قبضے میں لے کر ڈرائیور کو حراست میں لے لیا گیا ہے۔ وہیں وزیر اعلیٰ ہلاک ہوئے نوجوان کے اہل خانہ کو 2 لاکھ روپے، شدید طور زخمیوں کو ایک ایک لاکھ اور دیگر زخمیوں کو 50 ہزار روپے کی فوری مالی امداد فراہم کرنے کی ہدایت دی ہے۔