پٹنہ: نئی دہلی اسٹیشن پر بھگدڑ سے 18 افراد ہلاک ہوگئے۔ اس واقعہ پر آرجے ڈی لیڈر تیجسوی یادو تیجسوی یادو نے افسوس کا اظہار کرتے ہوئے کمبھ میلہ کے دوران ہزاروں لوگوں کی موت کا الزام بھی عائد کردیا۔ انہوں نے کہا کہ اسٹیشن سے سنگم تک ہزاروں لوگوں کی جان جارہی ہے اور حکومت کی جانب سے کوئی انتظامات نہیں کیے گئے۔ اسٹیشن سے گھاٹ تک اموات ہوئی ہیں۔ پورا ملک اور بہار جاننا چاہتا ہے کہ ان اموات کا ذمہ دار کون ہے؟ ہزاروں لوگ مارے جا رہے ہیں لیکن حکومت کو کوئی فکر نہیں۔
पूछ रहा देश, पूछ रहा बिहार
— Tejashwi Yadav (@yadavtejashwi) February 16, 2025
इन मौतों का कौन ज़िम्मेदार?
ये भीड़ नहीं श्रद्धालु हैं। सरकार और मीडिया उन्हें भीड़ भीड़ कह कर संबोधित करना बंद करे। सभी श्रद्धालुओं की सेवा, सुविधा और सुरक्षा की पूरी जिम्मेदारी सरकार की थी। ढोल नगाड़ा बजा कर जितना प्रचार में व्यस्त थी ये डबल इंजन… pic.twitter.com/UMp1kQOWWU
سابق نائب وزیر اعلیٰ تیجسوی یادو نے کہا کہ حکومت صرف اپنی تشہیر میں مصروف ہے۔ انتظامات صرف وی آئی پی افراد تک محدود ہیں۔ انہوں نے کہا کہ عام عقیدت مندوں کے لیے کوئی انتظامات نہیں کیے گئے۔ اسٹیشن سے لے کر ہر طرف ٹریفک جام کی صورتحال ہے۔ پریاگ راج میں مکمل افراتفری ہے۔
انہوں نے نئی دہلی اسٹیشن پر ہوئے حادثہ کے بارے میں کہا کہ اس طرح کے واقعات پہلے بھی لکھنؤ اسٹیشن پر ہوچکے ہیں۔ ریلوے اسٹیشن پر اس طرح کے واقعات ہورہے ہیں تو اس کی ذمہ داری کا تعین ہونا چاہیے۔ تیجسوی یادو نے کہا کہ یہ حکومت غریبوں کے بارے میں نہیں سوچتی ہے۔ ایک طرف لوگ مر رہے ہیں اور دوسری طرف نظام میں کوئی بہتری نہیں۔
یہ بھی پڑھیں: نئی دہلی ریلوے اسٹیشن پر بھگدڑ سے 18 افراد ہلاک، متعدد زخمی، جانیے واقعے کی وجہ - STAMPEDE AT NEW DELHI STATION
تیجسوی یادو نے کمبھ میلہ میں پیسے کے غلط استعمال کا الزام لگایا اور کہا کہ تقریب کے نام پر پیسہ لوٹا جارہا ہے۔ لوگوں کو وہ سہولتیں نہیں مل رہی ہیں جو ملنی چاہئے۔ لوگوں کو تحفظ فراہم کرنا حکومت کی ذمہ داری ہے لیکن لوگوں کو تحفظ فراہم نہیں کیا جا رہا۔ کمبھ کے دوران حادثات کا سلسلہ جاری ہے لیکن اس کی ذمہ داری کوئی قبول نہیں کررہا ہے۔ تیجسوی نے کہا کہ مرنے والوں میں زیادہ تر کا تعلق بہار سے ہے۔
