پلوامہ : سی آر پی ایف 182 بٹالین نے آج ضلع پلوامہ کے لاسی پورہ علاقے میں مالی طور پر غریب لوگوں کے لیے ایک مفت طبی کیمپ کا انعقاد کیا گیا تھا۔ میڈیکل کیمپ میں لاسی پورہ اور دیگر علاقوں کے لوگوں کی بڑی تعداد میں لوگوں نے شرکت کی جبکہ ڈاکٹروں کی جانب سے مفت مشورہ اور ادویات تقسیم کی۔ طبی کیمپ میں تقریباً 200 کے قریب مریضوں کا علاج کیا گیا۔
سی او سی آر پی ایف 182 بٹالین دیپک ڈونڈیال نے کہا کہ سی آر پی ایف ہمیشہ وادی کے لوگوں کی فلاح و بہبود کے لئے کام کرنے کی کوشش کرتا ہے۔ انہوں نے کہا کہ کھیلوں کی سرگرمیاں، سدباوانہ ٹور، تعلیمی سرگرمیاں، میڈیکل کیمپس شہری ایکشن پروگرام کا حصہ ہیں اور مستقبل میں بھی ایسے پروگراموں کا تسلسل جاری رہے گا۔ انہوں نے یہ بھی کہا کہ ایسے میڈیکل کیمپ ایک وقت کی ضرورت ہے کیونکہ ماہ صیام کے دوران لوگوں کو ان کی دہلیز پر طبی سہولیات کی ضرورت ہوتی ہے۔
انہوں نے مزید کہا کہ وادی کے لوگوں کو مفت طبی سہولیات فراہم کرنے کے لیے مستقبل میں بھی ایسے میڈیکل کیمپ منعقد کیے جائیں گے۔ علاقے کے مقامی لوگوں نے سی آر پی ایف 182 بٹالین کا شکریہ ادا کیا کہ انہوں نے ضلع کے لوگوں کے لیے طبی سہولیات فراہم کرنے کی اس طرح کی پہل کی اور امید کی کہ یہ سلسلہ مستقبل میں بھی جاری رہے گا۔
