سستا علاج فراہم کرنے والا اسپتال، حکومت کے فنڈ کا منتظر

اترپردیش کے ضلع علی گڑھ کا قدیم مسلم اکثریتی علاقہ اپر کوٹ، شاہی جامع مسجد کے سامنے موجود 'علی گڑھ نیشنل اسپتال' حکومت کی توجہ کا طلبگار ہے۔ یہ اسپتال خیرات، زکوٰۃ اورصدقات سے چلتا ہے۔ علی گڑھ نیشنل اسپتال کا قیام 1990 میں موجودہ شہر مفتی محمد خالد حمید کے والد شہر مفتی عبدالقیوم اور علاقے کے معززین کی کوششوں سے عمل میں آیا تھا۔ اس اسپتال کے قیام کا مقصد علی گڑھ شہر کے مختلف علاقوں کے غریب اور کمزور طبقوں کو طبی امداد فراہم کرنا ہے۔