سرینگر کے لال چوک میں سیاح نئے سال کے جشن میں جھوم اٹھے

جموں وکشمیر کی تاریخ میں ایسا پہلی مرتبہ ہوا ہے جب گرمائی دارالحکومت سرینگر کے گھنٹہ گھر کے نزدیک نئے سال کا جشن منایا گیا جس میں ہزاروں لوگوں نے شرکت کی۔ محکمہ سیاحت کی جانب سے اتوار کی شام گھنٹہ گھر لالچوک میں نئے سال کی آمد پر جشن کا پروگرام رکھا گیا جس میں مقامی فنکاروں اور موسیقی کاروں کو شرکت کرنے کی دعوت دی گئی تھی۔ اس پروگرام میں نوجوانوں اور دوشیزاوں نے بھی شرکت کی اور نئے سال کا جشن منایا۔ پروگرام میں شریک غیر مقامی سیاحوں نے بتایا کہ ’کشمیر واقعی میں جنت کا ایک ٹکڑا ہے اور رات کے وقت سرینگر الگ رنگ میں دکھائی دیتا ہے۔'