لوک سبھا انتخابات کا اسمبلی انتخابات کے نتائج سے موازنہ نہیں کیا جانا چاہیے: منوج جھا

چار ریاستوں کے انتخابی نتائج کے بعد اب لوک سبھا انتخابات پر سیاست تیز ہو گئی ہے۔ راجستھان، چھتیس گڑھ اور مدھیہ پردیش میں بی جے پی کی زبردست جیت پر آر جے ڈی کے رکن پارلیمنٹ منوج جھا نے کہا کہ تینوں ریاستوں میں انتخابات علاقائیت کے مسئلہ پر لڑے گئے تھے۔ لوک سبھا انتخابات قومی مسائل پر ہوں گے، اس الیکشن کے نتائج سے لوک سبھا کے الیکشن پر کوئی فرق نہیں پڑے گا، اس لیے لوک سبھا انتخابات کا اسمبلی انتخابات کے نتائج سے موازنہ نہیں کیا جانا چاہئے۔ منوج جھا نے یہ بھی کہا کہ راجستھان میں ہر 5 سال بعد حکومت بدلتی ہے۔ بھارتیہ جنتا پارٹی کو مدھیہ پردیش میں سب سے بڑی جیت ملی ہے اور ہمارا اتحاد اس پر غور و فکر ضرور کرے گا۔