ہیلمٹ پہن کربس چلاتے ہوئے ڈرائیور کا ویڈیو وائرل

پاپولر فرنٹ آف انڈیا نے جمعرات کو انفورسمنٹ ڈائریکٹوریٹ اور این آئی اے کی ایک مشترکہ کارروائی اور پی ایف آئی کے سرکردہ رہنماؤں کی گرفتاری کے خلاف احتجاجاً بند کی کال دی ہے۔ یہ کال پی ایف آئی کی کیرالہ یونٹ نے جمعہ کو صبح سے شام تک دی ہے، تاہم اس بند کی کال سے بنیادی خدمات کو مستثنی رکھا گیا ہے۔ وہیں بند کے دوران ریاست کے مختلف حصوں سے تشدد کے واقعات کی اطلاع موصول ہورہی ہیں۔ اس دوران اسٹیٹ روڈ ٹرانسپورٹ کارپوریشن کے ایک ڈرائیور کو ہیلمٹ پہن کر بس چلاتے ہوئے دیکھا گیا۔ ہیلمٹ پہن کر بس چلاتے ہوئے ڈرائیور کا ویڈیو خوب وائرل ہورہا ہے۔