شکست کے بعد کمل ناتھ اور اشوک گہلوت نے کیا کہا؟

راجستھان میں بی جے پی کی جیت پر سابق وزیراعلیٰ اشوک گہلوت کا کہنا ہے کہ ہم نے الیکشن میں کوئی کسر نہیں چھوڑی اور انتخابات کے لیے پوری طرح سے تیار تھے۔ ہم نے سوچا تھا کہ لوگ ہماری موجودہ اسکیموں کی بنیاد پر ہمیں ووٹ دیں گے لیکن ایسا نہیں ہوا۔ ہم اس شکست کا تجزیہ کریں گے۔  سی ایم اشوک گہلوت نے مزید کہا کہ میں نے ہمیشہ کہا ہے کہ میں عوام کے مینڈیٹ کو قبول کروں گا اور میں مستقبل کی حکومت کو اپنی نیک خواہشات پیش کرتا ہوں۔ مجھے امید ہے کہ وہ ریاست کے لوگوں کی فلاح و بہبود کے لیے کام کریں گی، لیکن یہ نتائج حیران کن ہیں۔ وہیں مدھیہ پردیش کے ریاستی کانگریس کے صدر کمل ناتھ کا کہنا ہے کہ ہم اس انتخابات میں خامیوں کا تجزیہ کریں گے کہ ہم ووٹروں کو اپنی بات کیوں نہیں سمجھا سکے۔ ہم سب ہارنے اور جیتنے والے امیدوار ایک ساتھ بیٹھ کر بات چیت کریں گے۔