کراچی: پاکستان نے جنوبی افریقہ کے خلاف ٹرائنگولر سیریز کے تیسرے میچ میں تاریخ رقم کرتے ہوئے چھ وکٹوں سے جیت کے ساتھ فائنل میں جگہ پکی کرلی۔ پاکستان نے 2022 میں آسٹریلیا کے خلاف 349 رنز کے ہدف کا تعاقب کرتے ہوئے اپنے سابقہ ریکارڈ کو پیچھے چھوڑ دیا۔ مین ان گرین نے 353 رنز کے ہدف کا تعاقب کرتے ہوئے ریکارڈ بک میں اپنا نام درج کر لیا۔
پاکستان نے جنوبی افریقہ کا 353 رنز کا ہدف 49ویں اوور میں صرف 4 وکٹوں کے نقصان پر حاصل کر لیا۔ کپتان محمد رضوان اور نائب کپتان سلمان علی آغا نے شاندار سنچریاں اسکور کیں۔ ہدف کے تعاقب میں پاکستانی ٹیم 91 رنز پر تین وکٹیں گنوا بیٹھی۔ بابر اعظم نے 23، سعود شکیل نے 15 اور فخر زمان نے 41 رنز بنائے۔
Mohammad Rizwan & Salman Agha's massive partnership anchored Pakistan to their highest-successful run chase in ODIs 🔥#PAKvSA 📝: https://t.co/dTm7I0Hdfv pic.twitter.com/VqDj2Ji8Kq
— ICC (@ICC) February 12, 2025
تاہم سلمان علی آغا اور محمد رضوان کے درمیان چوتھی وکٹ کے لیے 262 رنز کی ریکارڈ ساز شراکت ہوئی۔ سلمان علی آغا 103 گیندوں پر 134 رنز بنانے کے بعد آؤٹ ہوئے جب کہ کپتان محمد رضوان 122 رنز بنانے کے بعد ناٹ آؤٹ رہے۔
جنوبی افریقا کے خلاف میچ میں جیت کے بعد پریس کانفرنس کرتے ہوئے محمد رضوان نے کہا کہ ہم نے سوچا تھا کہ جنوبی افریقا 320 تک رنز بنائے گا مگر کلاسن اسکور 350 تک لے گئے۔
پاکستان کرکٹ ٹیم کے کپتان محمد رضوان نے اس شاندار کامیابی پر کہا کہ، جب اللہ کی طرف سے مدد ہوتی ہے تو ریکارڈ بنتا ہے۔
Skipper Mohammad Rizwan & Salman Agha slam centuries to slot Pakistan right back into the chase 💥#PAKvSA 📝: https://t.co/dTm7I0Hdfv pic.twitter.com/7xn7hwTK8h
— ICC (@ICC) February 12, 2025
آپ کو بتاتے چلیں کہ یہ پہلا موقع ہے جب پاکستانی ٹیم نے ون ڈے کرکٹ کی تاریخ میں 350 یا اس سے زیادہ کا ہدف عبور کیا ہے۔ کراچی کے نیشنل بینک اسٹیڈیم میں کھیلے جارہے اس میچ میں جنوبی افریقہ نے ٹاس جیت کر پاکستان کے خلاف بیٹنگ کا فیصلہ کیا۔ جنوبی افریقہ نے مقررہ 50 اوورز میں مجموعی طور پر 352 رنز بنائے۔ ہینرک کلاسن نے 87، میتھیو بریٹزکی نے 83 اور ٹیمبا بووما نے 82 رنز بنائے۔ کائل ویراگن نے 32 گیندوں پر 44 رنز کی ناقابل شکست اننگز کھیل کر اپنی ٹیم کو 350 رنز سے آگے بڑھایا۔
پاکستان اور نیوزی لینڈ کے درمیان ٹرائنگولر سیریز کا فائنل 14 فروری کو کراچی کے نیشنل اسٹیڈیم میں کھیلا جائے گا۔ قابل ذکر ہے کہ نیوزی لینڈ نے گروپ میچز میں پاکستان اور جنوبی افریقہ دونوں کو شکست دے کر فائنل کے لیے کوالیفائی کیا تھا۔
یہ بھی پڑھیں:
