سیلاب متاثرین ہائی وے پر زندگی گزارنے کو مجبور

ریاست بہار کے ضلع دربھنگہ سے ہوکر گزرنے والی بیشتر ندیوں میں تغیانی کے سبب سیلاب نے دستک دے دی ہے۔ سیلاب کا پانی اب نئے علاقوں میں بھی داخل ہو رہا ہے۔ کئی گاؤں پوری طرح سے سیلاب کی زد میں ہیں ۔ لوگوں کے آنگن تک میں پانی داخل ہونے لگا ہے۔ ایسے علاقے جہاں سیلاب کا پانی تیزی سے اپنی زد میں لے رہا ہے وہاں کے لوگوں نے اپنے آپ کو محفوظ رکھنے کے لیے اونچے مقامات پر تمبو لگاکر رات گزارنے پر مجبور ہیں۔