کشی نگر اسپتال کے ایمرجنسی وارڈ میں فرش پر خون میں لت پت مریض کے قریب کتے کا ویڈیو وائرل

کشی نگر ضلع اسپتال سے لاپرواہی کا ایک ویڈیو سوشل میڈیا پر وائرل ہو رہا ہے۔ ویڈیو میں دیکھا جا سکتا ہے کہ زخمی شخص ڈسٹرکٹ ہسپتال کے ایمرجنسی وارڈ میں فرش پر پڑا ہے اور ایک چھوٹا کتا اس کا خون چاٹ رہا ہے۔ اس دوران ایمرجنسی وارڈ سے ڈاکٹر اور عملہ غیر حاضر نظر آتا ہے۔ ویڈیو وائرل ہونے کے بعد محکمہ صحت میں افراتفری کا ماحول ہے اور کارروائی کی بات کر رہے ہیں۔ ای ٹی وی بھارت اس وائرل ویڈیو کی تصدیق نہیں کرتا ہے۔