پلوامہ : جموں وکشمیر میں پلوامہ کے لوگوں کی مشکلات کا ازالہ کرنے کے غرض سے آج مونسپل کمیٹی پلوامہ میں ضلع ترقیاتی کمشنر پلوامہ ڈاکٹر بشارت قیوم کی صدارت میں ایک میٹنگ منعقد کی گئی جس میں محمکہ بلدیات کے افسران کے ساتھ ساتھ دیگر محکموں کے افسران نے شرکت کی۔ میٹنگ میں ٹریڈرز فیڈریشن پلوامہ عوامی نمائندے نوجوانوں اور دیگر لوگوں نے شرکت کی۔
میٹنگ میں کئی امور پر تبادلۂ خیال کیا گیا۔ اس دوران عوامی نمائندوں کی جانب سے اٹھائے گئے سوالوں کے جواب افسران سے طلب کیے گئے۔ پلوامہ کو جاذب نظر بنانے کے لئے اٹھائے جا رہے اقدامات کے حوالے سے محمکہ بلدیات نے تفصیلی جانکاری دی۔ یہ جائز میٹنگ پلوامہ میں ٹریفک جام، پانی اور دیگر چیزوں کے متعلق کی گئی۔ جس میں ٹریڈرز فیڈریشن اور عوام نمائندوں پر زور دیا گیا کہ وہ انتظامیہ سے تعاون کریں تاکہ قصبہ پلوامہ کو جاذبہ نظر بنایا جائے ساتھ ہی عوام کو درپیش مشکلات کا ازالہ کیا جائے۔
اس موقع پر ترقیاتی کمشنر نے افسران پر زور دیا کہ وہ قصبہ پلوامہ کی عوام کے مشکلات کا ازالہ کرنے کے لئے جنگی بنیادوں پر کام کرے۔ انہوں نے عوام سے اپیل کی کہ وہ انتظامیہ سے تعاون کریں تاکہ قصبہ پلوامہ کی خوبصورتی میں چاند چار لگایا جا سکے۔
مزید پڑھیں: بارہمولہ میں فوجی چیک پوسٹ پر ٹرک نہ رکنے پر ٹرک ڈرائیور کو گولی مار کر ہلاک کر دیا گیا
اس موقع پر ضلع ترقیاتی کمشنر پلوامہ ڈاکٹر بشارت قیوم نے بات کرتے ہوئے کہا کہ آج میونسپل کونسل پلوامہ میں جائزہ میٹنگ ہوئی جس میں سبھی کاموں کے حوالے سے تفصیلی جانکاری حاصل کی گئی۔ انہوں نے کہا میونسپل کونسل پلوامہ کے ساتھ بھی ایک میٹنگ ہوئی جس میں اہم امور پر تبادلہ خیال کیا گیا اور عوام کی مشکلات کا ازالہ کرنے کے لئے مل کر کام کرنے کی تلقین کی گئی۔
