مغربی بنگال کے ہگلی ضلع کے تارکیشور تھانہ کے تحت بالاگڑھ کے بناگ بیڑیا علاقے میں پولیس کی گاڑی سے ایک موٹرسائیکل سوارکو ٹکر ہوگئی۔ ٹکر میں موٹرسائیکل سوار شدیدطور پر زخمی ہوگیا۔
اس واقعہ کے مقامی باشندوں نےپولیس کی گاڑی میں جم کر توڑ پھوڑ کی۔ وہاں موجود پولیس اہلکاروں کو بھی زدوکوب کرنے کی کوشش کی گئی ۔ اس واقعہ سے پورے علاقے میں سنسنی پھیل گئی۔
پولیس اور آر ایف سی کی ٹیمیں جائے وقوع پرپہنچ کرحالات کو قابو میں کرنے کی کوشش کی ۔ پولیس نے حالات کو قابو میں کرنے کے لیے پہلے لاٹھی چارج کیا اور اس کے بعد آنسوگیس کے گولے داغے۔
پولیس نے سخت کارروا ئی کرتے ہوئے عوام پر لاٹھی برسائے۔ لاٹھی چارج کے سبب متعدد افراد کے زخمی ہونے کی اطلاع موصول ہو ئی ہے۔
پولیس نے کہاکہ پولیس کی گاڑی سے پرسانتوباسو نام کے ایک موٹر سائیکل سوار زخمی ہوگیا۔ پولیس کو زخمی شخص سے ہمدردی ہے۔لیکن قانون کو اپنے ہاتھوں میں لینے کا کسی کو کوئی حق حاصل نہیں ہے۔
پولیس کے مطابق سڑک حادثے کے بعد مقامی باشندوں نے مہ صرف پولیس کی گاڑی میں توڑ پھوڑ کرنے کی بلکہ ڈیوٹی پر تعینات پولیس اہلکاروں کوبھی زدوکوب کرنے کی کوشش کی گئی۔
مقامی باشندوں کاکہنا ہے کہ سڑک حادثے کے بعد پولیس نے نوجوان کو ہستپال لے جانے کے بعد وہاں موجود لوگوں کوڈرایادھمکایا۔پولیس کی اس حرکت کے خلاف احتجاج کیاگیا۔
پولیس نے مقامی باشندوں کو بھی گرفتار کرکے تھانے لے جانے کی دھمکی دی ۔ اس سے ماحول بگڑ گیا۔
