مغربی بنگال وزیراور کولکاتا میونسپل کارپوریشن کے مئیر فرہاد حکیم کاکہنا ہے کہ ڈینگوکا قہر جاری ہے ۔ یہ ایک سچا ئی ہے اور اس پر پردہ ڈالنے کی کوشش نہیں کرنی چا ہئے۔
انہوں نے کہاکہ جوسچ ہے وہ سچ ہے۔ جھوٹ بول کر ممجھے یا میونسپل کارپوریشن کو کیا ملے گا۔ہمیں کام کرنے کی ضرورت ہے تاکہ لوگوں کو ڈینگو سےنجات مل سکے ۔
وزیرکے مطابق ڈینگو کا مسئلہ سنگین ہے۔بہت حد تک ہم سب اس کی ذمہ دار ہیں۔ہمیں ذمہ داریوں کو سمجھنے کی ضرورت ہے تاکہ لوگوں کو پریشانےوں سے نجات مل سکے ۔
مئیر فرہاد حکیم کے مطابق ایسا نہیں ہے کہ ڈینگو لاعلاج ہے۔اگر ہم سمجھ داری سے کام لیں تو اس وبا کوجڑسے ختم کرسکتے ہیں۔ لوگوں کو محتاط رہنے کی ضرورت ہے ۔گھروں کے آس پاس جمع پانی اور گندگی کو دور کرنے کی ضرورت ہے ۔
انہوں نے کہا کہ کولکاتا میونسپل کار پوریشن کے ساتھ ساتھ عام لوگوں کو بھی ڈینگو کوجڑی سے ختم کرنے کی لڑا ئی میں شامل ہونے کی ضرورت ہے ۔
ڈینگو کوجڑسے ختم کرنا ہمارااولین مقصد ہے ۔اس لڑائی میں تمام لوگوں کے تعاون کی ضرورت ہے۔
