مغربی بنگال کے وزیرتعلیم پارتھوچٹرجی نے پریس کانفرنس کے دوران میڈیا سے گفتگو کرتے ہوئے کہاکہ وزیراعلیٰ ممتابنرجی کی ہدایت پرکوروناوائرس سے نمٹنے کے لئے تمام تر اقدامات کئے جارہے ہیں۔
انہوں نے کہاکہ یہ بات سچ ہے کہ اس دوران چند سخت اقدامات کئے گئے ہیں جن میں ہائی سکنڈری امتحانات کو ملتوی کرنے کا فیصلہ بھی شامل ہے۔
وزیر تعلیم نے کہاکہ اس سلسلے میں تمام متعلقہ اداروں سے بات چیت کرلی گئی ہے۔ کسی نے بھی اس فیصلے کی مخالفت نہیں کی ہے کیونکہ سب کو پتہ ہے کہ ملک کی موجودہ حالات کیا ہیں۔
پارتھوچٹرجی نے کہاکہ ہائی سکنڈری امتحانات کی اگلی تاریخ 15 اپریل کے بعد طے کی جائے گی۔ اس سلسلے میں متعلقہ اداروں سے رائے مشورہ کرنے کے بعد ہی فیصلہ لیاجائے گا۔
مغربی بنگال محکہ تعکیم ے بتایا کہ 15اپریل تک امتحانات ملتوی کردیا گیا ہے۔ یہ فیصلہ کورونا وائرس کے بڑھتے ہوئے خطرات کے پیش نظر کیا گیا ہے۔
اس کے علاوہ ہائیر سیکنڈری اسکول کے داخلی امتحانات کو بھی ملتوی کردیا گیا ہے۔
ہائر سیکنڈری امتحانات کا آغاز 12مارچ کو ہوا تھا اور 27 مارچ تک امتحانات کا اختتام ہونا تھا۔
اس دوران 23,25,27مارچ کے امتحانات کو ملتوی کردئے گئے ہیں۔ ابھی فزکس، جغرافیہ، سنسکرت، فارسی، عربی،جرنلزم کے امتحانات ملتوی کردئیے گئے ہیں۔
