مغربی بنگال بس یونین نے کہا ہے کہ 20مسافروں کو لے کر چلنے سے بس کے اخراجات نہیں نکلیں گے۔
منی بس کوآرڈینیشن کمیٹی کے جنرل سکریٹری راہل چٹرجی نے کہا کہ 20مسافروں کو لے جانے سے بھی ایندھن کے اخراجات بھی برآمد نہیں ہوں گے ۔ لہذا یہ غلط فیصلہ ہے۔
انہوں نے کہا کہ پرائیوٹ بسیں کسی بھی گرین زون میں نہیں چلیں گی۔ ہم حکومت سے گزارش کرتے ہیں کہ اسٹیٹ بسیں چلائیں اور بسوں کے مالک کو روزانہ کرایہ ادا کریں۔
انہوں نے کہاکہ ہم نے محکمہ ٹرانسپورٹ کے افسران کو کو آگاہ کردیا ہے کہ ہم موجودہ صورتحال میں بسیں نہیں چلا سکتے ہیں۔ اس سے نقصان ہو گا۔ بس مالکان اس بحران کے وقت اتنا بڑا نقصان برداشت نہیں کرپائیں گے ۔
دوسری طرف چیف سکریٹری نے کہاکہ گرین زون میں ضلع کے اندر بسیں چلانے کی اجازت دیدی گئی ہے ۔
حکومت کے قانون کے مطابق ایک بس میں 20سے زاید مسافر وں کو سوار نہیں کیا جاسکتا ہے ۔
