پانچ ماہ بعد علی پور چڑیا خانہ عام لوگوں کے لئے کھول دیا گیا

کورونا وائرس کی دوسری لہر پر مکمل طور قابو پانے کے بعد تقریباً پانچ ماہ بعد علی پور چڑیا خانہ عام لوگوں کے لئے دوبارہ کھول دیا گیا ہے۔

مغربی بنگال میں کورونا وائرس کی دوسری لہر پر قابو پانے کے بعد ریاستی حکومت کورونا کی تیسری لہر سے نمٹنے کے درمیان عام لوگوں کو راحت دینے کی بھی کوشش کی جا رہی ہے۔

ریاستی حکومت کی جانب سے جزوی لاک ڈاؤن میں مزید نرمی برتنے کے سبب عام زندگی دوبارہ پٹری پر تیزی سے لوٹنے لگی ہے۔ کورونا وائرس کی دوسری لہر پر مکمل طور قابو پانے کے بعد ریاست میں حالات میں تیزی سے بہتری کے بعد انتظامیہ نے تقریباً پانچ ماہ بعد علی پور چڑیا خانہ عام لوگوں کے لئے دوبارہ کھول دیا۔

علی پور چڑیا خانہ کے ڈائریکٹر اسیش سامنتو نے نامہ نگاروں سے خطاب کرتے ہوئے کہا کہ تاریخی چڑیا خانہ کھولنے کا یہ بالکل درست وقت ہے۔

انہوں نے کہا کہ چڑیا خانہ کھولنے سے پہلے تمام جگہوں پر سینٹائزایشن کرایا گیا ہے۔ تمام جانوروں کے پنجڑوں سے لے کر عوامی مقامات کو پوری طرح سے سینٹائزایشن کرایا گیا ہے۔ اس کے بعد ہی عام لوگوں کو چڑیا خانہ میں داخل ہونے کی اجازت دی گئی ہے تاکہ تفریح کے لئے آنے والے لوگوں کو کسی بھی قسم کی پریشانی درپیش نہ ہو۔

واضح رہے کہ مغربی بنگال میں کورونا وائرس کی دوسری لہر کے دوران بیماری کے تیزی سے پھیلنے کے سبب انتظامیہ نے چڑیا خانہ کو بند کرنے کا فیصلہ کیا تھا۔