مشرقی مدنی پور: مغربی بنگال کے مشرقی مدنی پور ضلع کے تمولک کے مینا میں بی جے پی کے کارکن اور بوتھ صدر کے قتل کی مخالفت میں مینا جاری ہے۔ بند کو کامیاب بنانے کے لئے بی جے پی کے رہنما اور کارکن صبح سے ہی سڑکوں پر ٹائر جلا کر احتجاج کر رہے ہیں۔ کئی مقامات پر دکانیں زبردستی بند کرانے کی شکایات کی موصول ہوئی ہے۔ بند کے دوران مختلف علاقوں میں بند کے دوران پولیس اور بی جے پی کے حامیوں کے درمیان جھڑپوں کی اطلاع ہے۔پولیس نے حالات پر قابو پانے کے لئے لاٹھی چار ج کیا ہے۔بی جے پی کے رکن اسمبلی اور بھارت کرکٹ ٹیم کے سابق کرکٹر اشوک ڈنڈا سمیت بی جے پی کے تمام اعلیٰ رہنما بند کو کامیاب بنانے کے لئے سڑکوں پر اتر چکت ہیں۔
مغربی بنگال اسمبلی میں حزب اختلاف کے رہنما شبھندو ادھیکاری نے مقامی باشندوں سے بی جے پی کے کارکن کے قتل کے خلاف بلائے گئے بند کو کامیاب بنانے کی اپیل کی ہے۔بی جے پی آج صبح 6 بجے سے بند کو کامیاب بنانے کے لئے سڑکوں پر ہے۔انہوں نے بند کو عوام کے حق میں قرار دیا ہے۔ مینا کے مختلف علاقوں میں بی جے پی لیڈر اور کارکن سڑک پر بیٹھے ہیں۔ کہیں سڑک پر رکاوٹیں کھڑی کی گئی ہیں۔ ایک کے بعد ایک ٹائر جلائے جاتے ہیں۔ اگرچہ صبح کے وقت کئی دکانیں کھلی ہوئی تھیں، لیکن بی جے پی نے انہیں زبردستی بند کرنے کا الزام لگایا۔
واضح رہے کہ گزشتہ پیر کی رات بی جے پی بوتھ کمیٹی کے صدر وجے کرشنا (60) کا قتل کردیا گیا تھا۔اس کیلئے ترنمول کانگریس کو ذمہ دار ٹھہرایا جارہا ہے۔یہ واقعہ مینار کے بکا پنچایت کے گورمھل علاقے میں پیش آیا۔ اس کی وجہ سے علاقے میں کشیدگی پھیل گئی۔ وجے کرشنا کو پیر کو مبینہ طور پر اغوا کیا گیا تھا اور بعد میں قتل کر دیا گیا تھا۔
یہ بھی پڑھیں:BJP Calls 12 Hour Bandh At Moyna بی جے پی کے کارکن کے قتل کے خلاف مینا میں کل 12 گھنٹے کا بند کا اعلان
اس کے علاوہ سنجے تنتی نام کے ایک اور بی جے پی کارکن نے ترنمول کے خلاف اغوا کا الزام لگایا ہے۔ اس پورے واقعہ کے خلاف بی جے پی لیڈروں اور کارکنوں نے پیر کی رات مینا پولیس اسٹیشن کے احاطے میں احتجاج کیا۔ منگل کی صبح سے ہی گاروا کیمپ کے مقامی لیڈران پارٹی پرچم تھامے مینا بائی پاس کے ساتھ تین سڑکوں کے چوراہے پر مسلسل احتجاج کررہے تھے۔ جیسے جیسے دن چڑھتا گیا وہاں بھیڑ جمع ہونے لگی۔ ناراض لوگ ترنمول اور پولس کے خلاف نعرے بازی کرتے ہوئے بھی نظر آرہے ہیں۔ مینا کے بی جے پی ممبر
