مغربی بنگال کے ضلع مالدہ کے رتوا تھانہ علاقے میں سڑک حادثے کے بعد مقامی باشندوں نے احتجاج کرتے ہوئے پولیس کی ٹیم پر حملہ کردیا ۔ باشندوں نے پولیس کی گاڑی میں توڑ پھوڑ کی ۔
پولیس نے حالات پر قابو پانے کے لیے فائرنگ کی اور آنسو گیس کے گولے داغے۔ پولیس کے لاٹھی چارج میں متعدد افراد زخمی ہو گئے۔ پولیس کو حالات پر قابو پانے کے لیے آر ایف سی کی مدد لینی پڑی۔
پولیس کا کہنا ہے کہ رتوا علاقے میں سڑک حادثے میں ایک شخص کی موت ہوگئی تھی ۔ مقامی بشندوں نے خستہ حال سڑک کے خلاف احتجاج کرنے کے دوران پولیس کی ٹیم پر حملہ کردیا۔
انہوں نے کہاکہ مشتعل ہجوم نے پولیس کی گاڑی میں توڑ پھوڑ کی اور آگ لگانے کی کوشش کی ۔ بھیڑ کو منتشر کرنے کے لیے پہلے آنسو گیس کے گولے داغے گئے ۔ فا ئرنگ بھی کی گئی ۔ لوگوں کے درمیان افراتفری مچنے کی وجہ سے متعدد افراد زخمی ہوئے ۔
مقامی باشندوں کا کہنا ہے کہ احتجاج کے دوران لوگوں کو زبردستی سڑک سے ہٹانے کی کوشش کی گئی۔ لوگوں نے جب اس کی مخالفت کی تو ان پر لاٹھی چار کیا گیا۔ پولیس نے مشتعل ہجوم پر قابو پانے کے لیے فائرنگ کی اور آنسو گیس کے گولے داغے۔
