مغربی بنگال میں گزشتہ ڈیڑھ دو مہینوں کے دوران خون خرابہ اور خواتین کے خلاف تشدد کے واقعات میں تشویشناک اضافے نے ریاستی حکومت کی پریشانیوں میں اضافہ کر دیا ہے. ریاست کے بیشتر اضلاع میں جرائم کی وارداتوں پر قابو پانے کی کوشش کم اور حکمراں جماعت ترنمول کانگریس اور اپوزیشن کے رہنماؤں کے درمیان لفظی جنگ زیادہ ہونے لگی ہے. اسی درمیان سینیئر رہنما اور وزیر فرہاد حکیم نے گورنر جگدیپ دھنکر پر تنقید کرتے ہوئے کہا کہ ہمیں دوسروں سے کچھ سیکھنے کی ضرورت نہیں. بیرونی لوگوں کو مغربی بنگال کے لاء اینڈ آرڈر پر سوال اٹھانے کا کوئی حق نہیں ہے.
ریاستی وزیر فرہاد حکیم نے کہا کہ وہ پہلے بھی کہہ چکے ہیں بنگال میں ہونے والے واقعات کو بڑھا چڑھا کر پیش کرنے کی ناکام کوشش کی جا رہی ہے. اس ناپاک کوشش میں کون کون ملوث ہے ہمیں اچھی طرح معلوم ہے. ان کا کہنا ہے کہ مغربی بنگال کی سیکیورٹی انتظامات پر تنقید کرنے کے بجائے اتر پردیش، مدھیہ پردیش، دہلی اور راجستھان کی طرف ایک نظر ڈالنے ضرورت ہے. انہیں پتہ چل جائے گا.
یہ بھی پڑھیں:
کولکاتا میونسپل کارپوریشن کے میئر فرہاد حکیم کے مطابق جہاں تک گورنر جگدیپ دھنکر کے بیان کا معاملہ ہے تو ان کے بارے کیا کہا جا سکتا ہے. وہ اپنی مرضی کچھ بھی کہہ سکتے ہیں. مغربی بنگال کے گورنر جگدیپ دھنکر کے مطابق مغربی بنگال میں خواتین ملک کی دوسری ریاستوں کے معاملے میں زیادہ محفوظ ہیں. بنگال کے عوام کی نظروں میں گورنر کے بیان کی کوئی اہمیت نہیں ہے.
