موصولہ اطلاع کے مطابق ایف بی نائین، ایف بی دش ویز، ایف بی باباجی اور ایف بی جے گرج نامی کشتیاں گزشتہ روز خلیج بنگال میں مچھلیاں پکڑنے کے لیے خلیج بنگال میں گئیں تھیں ۔
سمندر کی تیز لہروں کی زد میں آ کر تمام کشتیاں ڈوب گئی۔ اس پر سوار 61 ماہی گیروں میں سے 34 کو زندہ بچا لیا گیا جبکہ متعدد افراد اب بھی لا پتہ ہیں۔
بھارتی کوسٹ گارڈ اور کوسٹل پولیس کی جانب سے لاپتہ ماہی گیروں کی تلاش جا ری ہے لیکن اب تک ان کا کوئی سراغ نہیں ملا ہے۔
کوسٹ گارڈ کے مطابق گزشتہ روز 158 کشتیاں خلیج بنگال میں مچھلیاں پکڑنے کے لیے گئیں تھی۔
خلیج بنگال میں طوفان کے سبب چار کشتیاں لاپتہ ہوگئیں تھیں۔ 34 ماہی گیروں کو زندہ بچا لیا گیا ہے جبکہ متعد د ماہی گیر اب بھی لاپتہ ہیں انہیں ڈھونڈنے کی کوشش کی جا رہی ہے۔
انہوں نے مزید کہا کہ متعدد کشتیوں کو بنگلہ دیش کے آبی سرحد سے بر آمد کی گئیں ہیں۔
بنگلہ دیشی کوسٹ گارڈ سے بھی مدد لی جا رہی ہے۔دونوں ممالک کے کوسٹ گارڈ مل کر خلیج بنگال میں تلاشی مہم چلارہی ہیں۔
