مغربی بنگال میں کل سے تعلیمی سرگرمیاں بحال

ریاست مغربی بنگال میں کل سے یعنی 15 نومبر سے تعلیمی اداروں میں تعلیمی سرگرمیاں دوبارہ بحال ہونے والی ہیں۔ اس کی تمام تیاریاں مکمل کر لی گئی ہیں۔ نئی گائیڈ لائن کے تحت طالبات پر اسکول آنے کے لئے کوئی دباؤ نہیں ہوگا۔

ملک کی دوسری ریاستوں کی طرح مغربی بنگال میں مہینوں بعد تعلیمی اداروں میں تعلیمی سرگرمیاں ایک بار پھر شروع ہونے والی ہیں۔ اس کے لئے تمام تر تیاریاں مکمل کر لی گئی ہیں۔

ریاست میں کورونا وائرس کی لہر پر مکمل طور قابو پانے کے بعد حالات میں تیزی سے بہتری آئی ہے۔ اس کے بعد ہی ریاستی حکومت نے تعلیمی اداروں کو دوبارہ کھولنے کا فیصلہ کیا ہے۔

ریاستی حکومت کی جانب سے نئی گائیڈ لائن بھی جاری کیے گئے ہیں۔ اس کے تحت طالبات پر حالات مکمل طور پر بہتری تک اسکول آنے کے لئے کوئی دباؤ نہیں ہوگا۔ ریاستی محکمہ تعلیم نے بھی اس بات کی تصدیق کی ہے۔

واضح رہے کہ مغربی بنگال حکومت کی جانب سے 15 نومبر سے ریاست بھر میں اسکولوں اور اداروں میں تعلیمی سرگرمیوں کی دوبارہ بحالی کے لئے تمام تر تیاریاں زور شور سے جاری ہیں۔

ریاست کے تمام اضلاع میں اسکولوں اور تعلیمی اداروں میں دوبارہ تعلیمی سرگرمیوں کی بحالی کی تیاریوں کو پختہ اور یقینی بنانے کی کوشش کی جا رہی ہے۔

غورطلب ہے کہ رواں سال کے مئی کے پہلے ہفتے میں کورونا وائرس کی دوسری لہر کے مدنظر ریاست میں تعلیمی سرگرمیاں معطل کر دی گئی تھی۔