اتر پردیش کے وزیراعلیٰ یوگی آدیتہ ناتھ کے ہیلی کاپٹر کو لینڈنگ کی اجازت نہیں ملنے کی وجہ سے یوگی کی ریلی رد کردی گئی ہے۔
ہلی کاپٹر کو لینڈنگ کی اجازت نہ ملنے کے سبب سیاسی بیان بازیاں شروع ہوگئی ہے۔
آج وزیراعلیٰ یوگی آدیتہ ناتھ مغربی بنگال میں بی جے پی کارکنان اور عوامی جلسے سے خطاب کرنے والے تھے مگر ریاستی حکومت کی جانب سے ہری جھنڈی نہ ملنے کے سبب انہیں ایسا کرنے کا موقع نہیں ملا۔
ریاست مغربی بنگال کے بی جے پی ریاستی انچارج کیلاش وجئے ورگیئے نے اس کے لیے ممتا حکومت پر الزام لگایا ہے۔ انہوں نے کہا جمہوریت میں کسی بھی سیاسی جماعتوں کے ایکٹیویٹی کو روکنے کی اجازت نہیں ہے۔ممتا جی کی اس حرکت کے لیے ہم ان کی مذمت کرتے ہیں۔
انہوں نے مزید کہا کہ گذشتہ تین دنوں سے اجازت لینے کی کوشش کی جا رہی تھی، جگہ اور جلسے کرنے کی اجازت تو مل گئی مگر ہیلی کاپٹر کی لینڈنگ کی اجازت نہیں مل سکی ۔
