کولکاتا:مغربی بنگال کی وزیراعلیٰ ممتا بنرجی نے کہاکہ میں میگھالیہ کے لوگوں کا شکریہ ادا کرتی ہوں۔ ہم نے 6 مہینے پہلے آغاز کیا تھا۔ ہم مزید آگے بڑھیں گے۔ اگلی بار ہمیں زیادہ کامیابی ملے گی۔ تریپورہ میں ہم مختلف کرسکتے تھے مگر کامیابی نہیں ملی۔
ساگردیگھی کے نتیجہ پر ممتا نے کہا کہ ہم ساگردیگھی میں ہار گئے ہیں۔ میں کسی پر الزام نہیں لگانا چاہتی۔ جب انتخابات کی بات آتی ہے تو مائنس پلس ہوتا ہے۔ لیکن ایک غیر اخلاقی اتحاد ہوا ہے۔ میں اس کی سخت ترین الفاظ میں مذمت کرتی ہوں۔ بی جے پی کے ووٹ کانگریس کو گئے ہیں، سی پی ایم-کانگریس اکٹھے ہو گئے ہیں۔ اب بی جے پی کو بھی ووٹ مل رہے ہیں۔
انہوں نے مزید کہا کہ میں نے ادھیر چودھری کی تقریر دیکھی ہے۔ بائیں بازو سے کانگریس کو مدد ملی، بی جے پی نے کانگریس کی مدد کی۔ میں اب ان کا شکریہ ادا کرنا چاہتا ہوں، سچ بولنے کے لئے۔ ہم نے ہمیشہ یہی کہا ہے۔ ممتا بنرجی کو ہرانے کے لیے بی جے پی کا سہارا لیا۔ سب نے کیا ہے۔ مذہبی پولرائزیشن، بی جے پی، ہمیشہ یہ کر رہی ہے، سی پی ایم کانگریس اب کر رہی ہے۔ لیکن یہ ہمارے لیے ایک سبق ہے۔ ہم کانگریس اور سی پی ایم کی بات نہیں سنیں گے۔ کیونکہ جو لوگ بی جے پی کے ساتھ ہیں، ہم ان کے ساتھ نہیں ہو سکتے۔
یہ بھی پڑھیں:Sagardighi By Election ساگر دیگھی ضمنی انتخابات، کانگریس کی جیت
ممتا بنرجی نے کہا کہ ہاں ہم ایک سیٹ ہار گئے۔ لیکن ہم کسی پر الزام نہیں لگائیں گے۔ میں انتشار اور تشدد کی سیاست کی مذمت کرتی ہوں۔ ہم دوبارہ اسمبلی انتخابات کی طرح لڑیں گے۔ 2021 کے اسمبلی انتخابات میں بھی ان کا اتحاد تھا۔ پھر انہوں نے بی جے پی کو ووٹ دیا۔ اب انہوں نے بی جے پی کو ووٹ دیا۔
یواین آئی
