ترنمول کانگریس کے نائب صدر اور سابق مرکزی وزیر یشونت سنہا کا کہنا ہے کہ مغربی بنگال کے انتخابی نتیجے کا اثر اگلے سال ہونے والے اترپردیش اسمبلی انتخابات پر پڑے گا۔
جھارکھنڈ کے ہزاری باغ میں اپنی رہائش گاہ پر منعقد پریس کانفرنس سے خطاب کرتے ہوئے کہا کہ بنگال کے نتیجے کا اثر اگلے سال ہونے والے اترپردیش اسمبلی انتخابات اور 2024 کے لوک سبھا انتخابات پر بھی اثر پڑے گا۔
ساتھ ہی انہوں نے کہا کہ مغربی بنگال انتخاب کے نتیجے آنے کے بعد وزیراعظم نریندر مودی اور مرکزی وزیر داخلہ امت شاہ کو اپنے عہدے سے استعفی دے دینا چاہیے۔ سابق بی جے پی رہنما نے کہا کہ جس طرح سے بی جے پی کے ان سینئر رہنماؤں نے وزیراعلی ممتا بنرجی پر حملہ کیے اس سے وہاں کی عوام میں بہت ناراض ہے۔
بی جے پی کے اس ہار کی ذمہ داری خود وزیراعظم نریندر مودی، امت شاہ، راج ناتھ سنگھ اور جے پی نڈا کو لینی چاہیے۔
غور طلب ہے کہ ملک کے پانچ ریاستوں کے اسمبلی انتخاب کے نتیجے اتوار کو جاری کیے گیئے، جن میں مغربی بنگال میں 294 سیٹوں میں سے ترنمول کانگریس کو 214 سیٹیں اور بی جے پی کو 76 سیٹیں ملی ہیں۔ جبکہ دیگر پارٹیوں کے حصے میں دو سیٹیں گئی ہیں۔
