یوگی کا دورہ ٔ روس آئندہ ماہ

ریاست اتر پردیش کے وزیر اعلیٰ یوگی آدیتہ ناتھ اگست کے تیسرے ہفتہ میں دو روزہ دورہ پر روس جائیں گے۔یہ دورہ تجارتی معاملے میں اہم مانا جارہا ہے۔

اطلاع کے مطابق یوگی 12 اور 13 اگست کو روس کے ولاڈیوسٹک شہر جائیں گے۔ وزیراعلیٰ کے ساتھ اترپردیش ، مہاراشٹر، گجرات،آسام کے وفود کو بھی بھیجا جائے گا۔

مرکزی حکومت کے صنعت اور تجارت وزارت کے توسط سے اعلی سطح کے معاہدے کے لیے ولاڈیوسٹک جانے کا دو روزہ پروگرام بھی طے ہوا ہے۔ اس دوران بھارت اور روس کے بیچ تعاون بحث کا موضوع ہوگا۔
اتر پردیش کے وزیراعلیٰ کا یہ دورہ تجارت کے لحاظ سے بہت اہم ہے۔
اتر پردیش حکومت کا منصوبہ ہے کہ آئندہ سال ہونے والے 'عالمی سرمایہ کاروں کے اجلاس' کی میزبانی کریں گے۔