لکھنؤ: ریاست اتر پردیش کے لکھنؤ کے شاہی عیش باغ عیدگاہ میں 10 بجے نماز عید الاضحی ادا کرنے کا اعلان مولانا خالد رشید فرنگی محلی نے کیا ہے۔ ساتھ ہی انہوں نے عیدگاہ کے احاطہ میں ہی نماز ادا کرنے کی تلقین کی ہے۔ وہیں لکھنؤ پولیس محکمہ کے لاء اینڈ آرڈر کمشنر اوپندر اگروال نے عید الاضحی کے متعلق گائیڈ لائن جاری کرتے ہوئے کہا ہے کہ لکھنؤ میں 12 سو 8 مساجد اور 94 عیدگاہ میں نماز عید الاضحی ادا کی جائے گی۔ جس کے لیے حفاظتی انتظامات کئے گئے ہیں۔ ساتھ ہی پولیس اہلکاروں کی کئی ٹکڑیوں میں تعینات کرنے کی یقین دہانی کرائی ہے۔
انہوں نے کہا ہے کہ عید الاضحی نماز کے وقت ٹرافیک ڈائورزن رہے گا۔ اس کے علاوہ پرانے لکھنؤ میں پی ایس سی اور آر آر ایف کے جوانوں کو تعینات کیا گیا ہے۔ لکھنؤ پولیس محکمہ کے لاء اینڈ آرڈر کمشنر اوپندر اگروال نے لکھنؤ کے سبھی لوگوں سے اپیل کیا ہے کہ جو لوگ قربانی کرتے ہیں، وہ اس بات کا خیال رکھیں کہ کسی کے جذبات کو ٹھیس نہ پہونچے۔ امن و امان کو قائم رکھنے میں تعاون کریں۔ عیش باغ عید گاہ کے امام مولانا خالد رشید فرنگی محلی نے بھی اس بات پر زور دیتے کہا کہ اسلامک سینٹر آف انڈیا سے جو ایڈوائزری جاری ہوئی ہے، اس پر عمل کریں یہ مقدس تہوار ہے اس کو پر امن طریقے سے منائیں۔
