بجنور: روزے دار نے معصوم بچی کو خون دے کر جان بچائی

اترپردیش کے ضلع بجنور میں ایک مسلم شخص نے روزے کی حالت میں ایک بیمار 12 سالہ ہندو بچی کو خون دے کر اس کی جان بچائی ہے اور فرقہ وارانہ ہم آہنگی کی انوکھی مثال قائم کی ہے۔

ریاست اترپردیش کے ضلع بجنور کے رہائشی جناب حسین احمد جنہوں نے روزے کی حالت میں دوپہر کے وقت بجنور ضلع ہسپتال میں کینسر میں مبتلا ایک معصوم بچی کو خون دینے کے لیے جا پہنچے۔

بجنور کی رہائشی 12 سالہ سونالی کینسر میں مبتلا ہے اور وہ طویل عرصے سے بیمار ہے۔ بجنور کے ہندو بلڈ بینک کے بانی کی مانے تو حسین نے سوشل میڈیا گروپ پر پڑھنے کے بعد فورا روزہ کی پرواہ کیے بغیر بلڈ بینک میں جا پہنچے۔

معصوم بچی سونالی کے لیے حسین نے روزہ کی حالت میں خون دیا۔ ایک معصوم بچی کو اپنا خون دے کر گنگا جمنی تہذیب کی ایک خوبصورت مثال قائم کی ہے۔