نئی تعلیمی پالیسی سے متعلق ٹیچرز کی میٹنگ کی جارہی ہے۔ جس میں اساتذہ کو نئی تعلیمی پالیسی سے آگاہ کیا جارہا ہے، انہیں پالیسی کی باریکیاں بتائی جارہی ہیں۔
بارہ بنکی شہر کے گورنمنٹ انٹر کالج کے آڈیٹوریم میں ٹیچرز کو نئی تعلیمی پالیسی سے متعلق باتیں بتائی جارہی ہیں۔
بارہ بنکی
جی آئی سی کے پرنسپل جے کرن یادو نے بتایا کہ بھارتی حکومت نے نئی تعلیمی پالیسی میں مزید تبدیلیاں کی ہیں، جس سے سماج کے تمام طبقے متاثر ہوں گے۔ اسی لیے اس پالیسی کے تمام پہلوؤں سے اساتذہ کو روشناس کرایا جا رہا ہے، تاکہ وہ اس پر مکمل طور سے عمل کر سکیں۔
انہوں نے بتایا کہ نئی تعلیمی پالیسی کو بہتر طور پر سمجھنے کے بعد ہم پیرنٹس ٹیچرس میٹنگ کے ذریعے طلبا کے والدین کو اس نئی پالیسی کے بارے میں بتائیں گے۔
