اترپردیش کے ضلع اوریہ میں نامعلوم وجوہات سے آگ لگنے کی وجہ سے ایک دکان کا سارا سامان جل کر خاکستر ہوگیا نیز اندر سو رہے دکاندار بھی اس کی زد میں آکر شدید طور سے جھلس گئے اور ان کی موت ہوگئی۔
پولیس نے بدھ کویہاں بتایا کہ شہر کے محلہ گوندنگر باشندہ رادھے موہن دکشت کی پھول متی مندر کے نزدیک بتاشا منڈی میں جوتے چپل کی دکان ہے۔ گزشتہ رات میں تقریبا 12بجے کے بعد دوکاندار کی دکان میں آگ لگ گئی جس میں دوکان کا سارا سامان جل کر راکھ ہوگیا۔
دکان میں سو رہے رادھے موہن کی جلنے سے موت ہوگئی۔ آگ کن وجوہات سے لگی اس کی جانچ کی جارہی ہے۔ لاش کو پوسٹ مارٹم کے لئے بھیج دیا گیا ہے۔
