اس موقع پر اپنے رہنما کی آخری رسومات میں شامل ہونے کے لیے بی جے پی کارکنان لاک ڈاؤن کے باوجود ہزاروں کی تعداد میں سڑکوں پر نکل آئے اور سوشل ڈسٹنسنگ کی دھجیاں اڑائیں ۔
بی جے پی رہنما کی آخری رسومات میں لاک ڈاؤن کے خلاف ورزی
گذشتہ روز رامپور کے تھانہ سول لائن علاقے میں بی جے پی رہنما انوراگ شرما کا نامعلوم افراد نے گولی مارکر قتل کر دیا تھا۔
مہلوک کی لاش کو ڈی ایم اور ایس پی کی منطوری کے بعد تین ڈاکٹرس کی خصوصی ٹیم نے پوسٹ مارٹم کے بعد ورثاء کے حوالے کر دیا۔
کل دوپہر 12 بجے سینکڑوں کی تعداد میں بی جے پی کارکنان انوراگ شرما کی رہائش گاہ پر جمع ہوئے اور آخری رسومات ادا کرنے شمشان گھاٹ تک گئے۔
پولیس اہلکاروں کی موجودگی میں بی جے پی کارکنان سیکڑوں کی تعداد میں سڑکوں پر نکل کر آئے۔ جہاں سوشل ڈسٹنسنگ کی دھجیاں اڑتی ہوئی صاف نظر آئیں اور پولیس خاموش تماشائی بنی رہی۔
