ریاست اتراکھنڈ میں بھی سی اے اے اور این آر سی کا احتجاج جاری ہے۔ ہریدوار عیدگاہ کے بڑے میدان میں آج ہزاروں افراد نے اس قانون کے خلاف احتجاج کرتے ہوئے صدر جمہوریہ کو ایک میمورنڈم ارسال کیا گیا ہے، جس میں سی اے اے اور این آر سی واپس لینے کا مطالبہ کیا گیا ہے۔
خاص بات یہ ہے کہ پورے علاقے میں پولیس فورس کی ایک بڑی تعداد موجود تھی، جس کی قیادت خود ایس پی اور سی او کر رہے تھے۔
شہریت ترمیم بل اور این آر سی کہ خلاف اس احتجاج میں بھیم آرمی نے بھی بہت سی تنظیموں کے ساتھ اس احتجاج میں ایک اہم کردار ادا کیا۔
اتراکھنڈ میں این آر سی و سی اے اے کے خلاف زبردست احتجاج
احتجاج کر رہے لوگوں کا کہنا تھا کے جب تک مرکزی حکومت شہریت ترمیمی قانون کو واپس نہیں لیتی ہے اس کے خلاف احتجاجی ریلی اسی طرح سے جاری رہے گی۔
مسلم رہنما مکرم انصاری نے کہا کہ' اس کالے قانون کو واپس کرانے کے لیے کسی بھی اقدام سے گریز نہیں کیا جائے گا'۔
