سوشل میڈیا پر 'قابل اعتراض' پوسٹ کرنے کے الزام میں پولیس نے ایک نوجوان کو حراست میں لیا ہے۔ پولیس کے مطابق گرفتار ملزم 'سماج میں نفرت پھیلانے والا' پی ایف آئی کا لیگل انچارج ہے۔
اتر پردیش کے دارلحکومت لکھنؤ میں پی ایف آئی کے لیگل انچارج محمد دلشاد کو کرشنا نگر پولیس نے آزاد نگر سے گرفتار کر لیا ہے۔
پولیس کے مطابق محمد دلشاد واٹس ایپ اور دوسرے سوشل میڈیا گروپ کے ذریعے 'قابل اعتراض پوسٹ کر کے سماج میں نفرت پھیلانے' کا کام کر رہا تھا۔
پولیس تحقیقات کے مطابق دلشاد نے قبول کیا ہے کہ وہ پی ایف آئی کا لیگل انچارج ہے اور سوشل ڈیموکریٹک پارٹی کا رکن بھی ہے۔
اپنے بیان میں دلشاد ولد سلیم نے بتایا کہ 'میرا کام پارٹی کی پالیسی کو نوجوانوں تک پہنچانا ہے تاکہ زیادہ سے زیادہ لوگ ہمارے تنظیم کے رکن بن سکیں'۔
