ریاست اترپردیش کے ضلع بجنور کے تھانہ نجیب آباد کے کوٹ دوار روڈ پر دودھ کے خالی ٹینکر کے اندر چھپ کر 16 مسافر دہرادون سے نجیب آباد آئے۔
جس طرح بھارت میں کورونا وائرس کی روک تھام کے لیے لاک ڈاؤن کیا گیا ہے اس سے عوام بہت سارے جگہوں پر پھنس گئے ہیں۔ پولیس انتظامیہ کے سختی کی وجہ سے سبھی نجی سرکاری گاڑیاں فوری طور پر بند ہیں۔ لیکن دودھ کی گاڑی، پریس کی گاڑیوں پر روک ٹوک نہیں ہے۔
اسی کا فائدہ اٹھا کر دودھ کے ٹینکر ڈرائیور نے تھوڑے سے پیسوں کی لالچ میں دہرادون سے دودھ کے ٹینکر میں تقریبا 16 مسافروں کو چوری چھپے پولیس انتظامیہ کی آنکھوں میں دھول جھونک کر مسافروں کی زندگی سے کھلواڑ کرکے لے کر آیا ہے۔ ایسے میں ٹینکر کے اندر گیس بننے سے دم گھٹنے تک کے آثار تھے۔ ساتھ ہی ایک ساتھ ایک چھوٹے سے دودھ کے ٹینکر میں کورونا وائرس کی بیماری ہونے سے بھی کئی مسافروں کے بیمار ہونے کا بھی اندیشہ تھا۔
تصویروں میں صاف طور سے دیکھا جا سکتا ہے کہ کس طرح سے مسافر ایک کے بعد ایک کرکے چھوٹے سے دودھ کے ٹینکر سے باہر نکلتے نظر آ رہے ہیں۔
