میرٹھ کے چودھری چرن سنگھ یونیورسٹی میں شعبہ اردو اور ایوسا سماجی تنظیم کے زیر ایک آن لائن پروگرام کا اہتمام کیا گیا۔ ادب نما کے عنوان سے منعقدہ اس پروگرام میں معروف فکشن نگار انتظار حسین کے ناول اور افسانوں کے تعلق سے عالمی سطح پر مقالے پیش کیے گئے۔ تاکہ طالب علموں کو اپنے نصاب سے متعلق مواد حاصل ہو سکے۔
میرٹھ میں آن لائن منعقدہ پروگرام میں جہاں مختلف مقامات سے ادیبوں نے اپنے مقالوں کے ذریعے انتظار حسین کی ادبی خدمات کو بیان کیا، وہیں ان کے ناول اور افسانوں سے طلباء نے بھی اس تقریب میں شرکت کرکے اپنے رسرچ پیپر پر مواد حاصل کیا۔
آن لائن کرانے کا مقصد بیان کرتے ہوئے شعبہ کے صدر کا کہنا تھا اس طرح کی تقریبات سے ملک ہی نہیں بلکہ بیرونی ممالک کے طلباء بھی فائدہ اٹھا سکیں گے۔
انہوں نے کہاکہ' میرٹھ کے چودھری چرن سنگھ یونیورسٹی کے شعبہ اردو میں ایوسا اور شعبہ اردو کی مشترکہ کاوشوں سے ہر ہفتے پروگرام منعقد کرانے کا مقصد بھی یہی ہے تاکہ طلباء کی معلومات کے دائرے کو اور زیادہ وسیع کیا جا سکے۔'
مزید پڑھیں:
