محرم کی رسم ادائیگی کے لیے تلواروں کی تقسیم

ایک طرف جہاں اسلام کا پہلا مہینہ محرم شروع ہوچکا ہے تو وہیں اب اجمیر شریف میں جمعہ کی نماز ادا کرنے کیلئے ملک بھر سے ایک لاکھ سے زیادہ زیرین اجمیرشریف پہنچے جہاں درگاہ کی شاہجہانی مسجد میں جمعہ کی نماز ادا کی اور ملک بھر میں امن و امان کی دعا مانگی گئی۔

ریاست راجستھان کے اجمیر شریف میں محرم کی رسومات کا آغاز ہو چکا ہے۔ محرم کی نو اور دس تاریخ کو درگاہ علاقے میں چمچماتی ننگی تلواروں سے رسم ادا کروانے کے لیے ضلع انتظامیہ نے سو تلواریں اور ایک توپ کا انتظام کیا ہے۔

نو محرم کے دن مسلم سماج میں کوٹ پنچایت کو یہ تلواریں اور توپ سونپ دی جائے گی۔

پنچایت کے ممبر ایس ایم اکبر نے بتایا کی محرم میں عاشورہ کے دن مسلم نوجوان کربلا کا منظر پیش کرتے ہیں، یہی وجہ ہے کی جیل انتظامیہ کی جانب سے انہیں سو تلواریں مہیا کرائی جاتی ہیں اور ایک توپ بھی دی جاتی ہے جس کے ذریعہ وہ اپنے غم کا اظہار کرتے ہیں۔