اترپردیس کے ضلع مرادآباد میں کانپور کے تاجر منیش گپتا کی گورکھ پور میں ہوئے قتل کے پیش نظر جمعراد کے روز سماج وادی پارٹی ویاپار سبھا کے عہدیداروں نے حکومت کے خلاف جم کر احتجاج کیا۔ اور گورکھپور پولیس محکمہ کے خلاف جم کر نعرے بازی کرتے ہوئے وزیر اعلیٰ یوگی آدتیہ ناتھ کے نام ضلع مجسٹریٹ کو ایک میمورنڈم سونپا۔
اس سلسلے میں مرادآباد ضلع کے سماج وادی ویاپار ڈویزن کے صدر سمیر ورما نے کہا کہ 'بی جے حکومت نے سب سے پہلے ملک میں نوٹ بندی کی، پھر جی ایس ٹی اس کے بعد ملک بھر میں لوک ڈاؤن کیا، اس سے ابھی ملک کا تاجر ابھرا بھی نہیں ہے کہ اب تاجروں کا قتل کیا جا رہا ہے۔
سمیر ورما نے کانپور کے منیش گپتا کی قتل کا الزام گورکھ پور پولس پر لگاتے ہوئے کہا کہ 'اس ریاست میں پولیس کی تاناشاہ کا اندازہ اسی واقعے سے لگایا جاسکتا ہے کہ گورکھ پور پولس ایک تاجر منیش ورما کو پیٹ پیٹ کر قتل کردیتی ہے۔
مزید پڑھیں:
سماج وادی پارٹی ویاپار سبھا کے عہدیداروں نے احتجاج کے بعد حکومت سے مطالبہ کیا کہ ملزم پولس خلاف سخت کارروائی کی جائے اور مقتول منیش گپتا کے اہل خانہ کو ایک کروڑ روپے بطور معاوضہ کے ساتھ ایک سرکاری نوکری دی جائے۔
