میرٹھ: جمعہ کی نماز کے موقع پر کورونا گائیڈ لائن پر سختی سے عمل کیا گیا

ملک میں ایک بار پھر کورونا وبا تیزی سے پھیل رہی ہے۔ کورونا انفیکشن کے بڑھتے خطرات کے پیش نظر حکومت کی جانب سے نئی گائیڈ لائینز کو متعارف کیا گیا ہے۔ میرٹھ کی شاہی جامع مسجد میں نماز جمعہ کے دوران گائیڈلائن سے متعلق احتیاطی تدابیر پر عمل کیا گیا اور لوگوں سے احتیاط برتنے کی اپیل کی گئی۔

اترپردیش کے وزیراعلی کی جانب سے کورونا انفیکشن کے بڑھتے معاملوں کو دیکھتے ہوئے نئی گائیڈ لائن کو جاری کیا گیا ہے۔ میرٹھ کی شاہی جمع مسجد میں بھی آج نماز جمعہ کے دوران کورونا کے اثرات سے بچنے کے لیے عوام سے احتیاط برتنے کی اپیل کی گئی۔ وہیں جمعہ کی نماز کے بعد وسیم رضوی کے متنازعہ بیان کی پرزور مذمت کی گئی اور سپریم کورٹ سے قرآن مجید کے خلاف داخل کی گئی عرضی کو خارج کرنے کی درخواست کی گئی۔

ملک میں کورونا انفیکشن کے بڑھتے ہوئے خطرے کو دیکھتے ہوئے حکومت اور مختلف عبادت گاہوں کی جانب سے عوام کو احتیاط برتنے کی اپیل کی جارہی ہے۔