ایک ماہ تک جاری رہنے والے اس پروگرام کے تحت اسکولوں میں چیک اپ کیمپ کا انعقاد کیا جا رہا ہے۔
اسکول احاطہ میں کیمپ لگا کر بچوں کا وزن کیا جا رہا ہے۔ اس کام کو انجام دینے کے لئے ہیلتھ ورکرز کی مدد لی جا رہی ہے۔ غذائیت کی کمی سے متاثرہ بچوں کی پہچان کر انہیں طبی امداد فراہم کی جائے گی۔ اس مہم کی نگرانی کے لئے انتظامیہ کے افسران خود حصہ لے رہے ہیں۔
غذائیت کی کمی سے متاثرہ بچوں کے لئے خصوصی کیمپ، متعلقہ ویڈیو
ایک سے پانچ سالہ بچوں میں کم وزن کی شکایت پر آشا ورکرس ان بچوں کی اسپتال تک رسائی یقینی بناتی ہیں۔ طبی کیمپ کی افتتاحی تقریب میں شرکت کر رہے ایس ڈی ایم نرنکار سنگھ نے بتایا کہ کیمپ کے دوران بچوں میں ناقص تغذیہ کی شکایت پر فوری علاج کی سہولت فراہم کی جا رہی ہے۔
غذائیت کی کمی کے شکار بچوں کا قد چھوٹا ہوتا ہے، ان کے جسم پر گوشت کی کمی ہوتی اور وہ بہت کمزور ہوتے ہیں۔ اس کے علاوہ چہرے، پیروں اور دیگر اعضا پر سوجن ہوتی ہے۔
