ضلع الیکشن افسر سبرت کمار سین نے بتایا کہ 'پانچویں مرحلہ کے تحت سارن پارلیمانی حلقے میں پرامن طریقے سے پولنگ ہو رہی تھی کہ سون پور اسمبلی حلقہ کے پولنگ بوتھ نمبر 131 پر ووٹ کرنے آئے ایک نوجوان نے ای وی ایم کی بیلٹ یونٹ پٹخ کر توڑ دی۔ اس واقعے کے بعد نوجوان کو گرفتار کر لیا گیا ہے۔'
سارن میں ووٹر نے ای وی ایم مشین توڑدی
انہوں نے بتایا کہ 'بیلٹ یونٹ توڑنے والے ووٹر کی شناخت سریش شرما کے طور پر کی گئی ہے۔ پولیس اس سے پوچھ گچھ کر رہی ہے۔'
انہوں نے بتایا کہ 'واقعہ کے بعد بیلٹ یونٹ تبدیل کر کے تھوڑی دیر بعد ہی ووٹنگ کا عمل پھر سے شروع کر دیا گیا ہے۔'
