بارہویں جماعت کے امتحان میں ناکامی کے بعد طالب علم نے اپنے والد کی لائسنس یافتہ بندوق سے خود کو گولی مار کر ہلاک کر لیا۔
پولیس نے بندوق قبضے میں لینے کے بعد طالب علم کی لاش کو پوسٹ مارٹم کے لئے بھیج دیا ہے۔
ہلاک ہونے والے طالب علم کی شناخت امت کے طور پر ہوئی ہے۔
امت ایک انگریزی اسکول میں بارہویں جماعت کا طالب علم تھا۔
امت نے اپنے گھر کی اوپری منزل پر جاکر خود کو گولی سے ہلاک کر لیا۔
مزید پڑھیں:راجستھان کی سیاسی صورت حال پر ایک نظر
اہل خانہ کے مطابق گذشتہ برس بھی امت بارہویں جماعت میں فیل ہوگیا تھا،اس برس بھی فیل ہونے پر وہ دلبرداشتہ ہوگیا اور اس برس اس خود کو گولی مار کر ہلاک کر لیا۔
جائے واردات سے پولیس کو کوئی سوسائڈ نوٹ نہیں ملا ہے۔
