انتظامیہ نے کہا کہ اس جان لیوا وائرس کے ممکنہ خطرے سے صرف بیدار اور احتیاطی تدابیر کے ذریعے ہی محفوظ رہا جا سکتا ہے، اس لیے مزید تشہیر کی جا رہی ہے۔
تمام دفاتر اور عوامی جگہوں پر بڑے بڑے ہورڈنگس کے ذریعہ لوگوں کو بیدار کیا جا رہا ہے، ساتھ ہی انتظامیہ کی خصوصی اپیل ہے کہ کرونا وائرس کے مشتبہ مریض ملنے پر فوراً کنٹرول روم کو اطلاع دیں۔
بارہ بنکی کے تمام دفاتر میں الگ الگ محکموں کی جانب سے ہورڈنگس لگائی جا رہی ہیں جبکہ کچھ سماجی و فلاحی تنظیمیں بھی اس میں آگے آئی ہیں، ساتھ پیٹرول پمپ مالکان بھی بڑے پیمانے پر ہورڈنگس لگوا رہے ہیں۔
تشہیری مہم کے علاوہ ضلع میں 8 ریپڈ رسپانس ٹیمیں تشکیل کی گئی ہیں، تمام 7 تحصیلوں کے علاوہ ایک اضافی ٹیم ایمرجنسی کے لیے تشکیل کی گئی ہے، ان ٹیموں میں تجربہ کار ڈاکٹرس کے علاوہ پولیس اور ریوینیو ملازمین کو بھی شامل کیا گیا ہے، تمام ریپڈ رسپانس ٹیمیں اپنے اپنے حلقوں میں مستعد ہیں۔
