کسانوں کے ذریعہ کئے جانے والے زرعی قوانین کے خلاف مظاہرہ کی حمایت سیاسی و غیر سیاسی تنظمیں کرنے لگی ہیں۔
زرعی قوانین کے خلاف ریاست اترپردیش کے تاریخی شہر میرٹھ میں آزاد سماج پارٹی کی جانب سے ایک احتجاجی مظاہرہ کیا گیا۔
اس میں کسانوں کی حمایت کرتے ہوئے حکومت سے اس نئے زرعی قوانین کو واپس لینے کے مطالبے کے ساتھ ایک میمورنڈم میرٹھ ڈی ایم کے ذریعے صدر جمہوریہ کے نام پیش کیا گیا۔
مزید پڑھیں:بارہ بنکی : نئے زرعی قوانین کے خلاف انوکھا احتجاج
زرعی قوانین 2020 کی مخالفت میں دہلی میں کسانوں کا احتجاج آج بھی بدستور جاری ہے۔
اس زرعی قوانین کی مخالفت کرتے ہوئے میرٹھ میں آزاد سماج پارٹی کے کے کارکنان نے ضلع کلکتریٹ افس کے باہر احتجاجی مظاہرہ کرتے ہوئے مرکزی حکومت سے زرعی قوانین کو فوری طور پر واپس لینے کا مطالبہ کیا۔
ان کا مزید کہنا تھا کہ حکومت کسانوں کے خلاف ان قوانین سے کسانوں کے ساتھ عوام کو مہنگائی کی طرف لے جانا چاہتی۔
انہوں نے حکومت کو آگاہ کرتے ہوئے کہا اگر ان کی مانگ پر اگر غور نہیں کیا جاتا تو ان پارٹی آئندہ برس 26 جنوری2021 سے جیل بھرو آندولن بھی کرے گی۔
