سابق وزیراعلی اکھیلیش یادو ضلع رامپور کو دو روزہ دورہ ملتوی کر دیا گیا ہے، اکھلیش یادو نے پارٹی دفتر لکھنؤ میں پریس کانفرنس میں اپنے دورے سے متعلق دی تفصیلات فراہم کرتے ہوئے کہا کہ وہ 13 اور 14 ستمبر کو رامپور کا دورہ کریں گے۔
سماجوادی پارٹی کے سربراہ اور سابق وزیراعلی اکھلیش یادو دو دن کا رامپور کا دورہ کرنے والے تھے اور اس کے لیے حکام کی جانب سے انہیں اجازت نامہ بھی موصول ہوگیا تھا لیکن اعظم خان کے مخالفین نے اکھلیش یادو کے دورے کی اجازت کو رد کرنے کے لیے ضلع انتظامیہ سے درخواست کی تھی۔
اعظم خان کے مخالفین نے اپنی درخواست میں کہا کہ اس وقت پورے ملک میں گنپتی اور محرم کا اہتمام کیا جا رہا ہے جس کی وجہ سے لاء اینڈ آرڈر کا مسئلہ ہے۔
درخواست میں مزید کہا گیا کہ اس موقع پر رامپور کے مختلف مقامات سے جلوسوں کا بھی اہتمام کیا جائے گا اس لیے سابق وزیراعلی کو رامپور آنے کی اجازت نا دی جائے تا کہ کسی بھی قسم کا کوئی ناخوشگوار واقعہ نا پیش آئے۔
ای ٹی وی بھارت سے بات کرتے ہوئے اترپردیش کانگریس کمیٹی کے نائب صدر مطیع الرحمن نے کہا کہ انہوں نے ڈی ایم، ایس پی، کمشنر اور گورنر کو خطوط ارسال کرکے اکھلیش یادو کے دورے کو ملتوی کرنے کا مطالبہ کیا تھا۔
واضح رہے کہ سماجوادی پارٹی کے سینیئر رہنماء اور رکن پارلیمان اعظم خان پر مختلف دفعات کے تحت تقریباً 80 مقدمات درج ہیں۔
تفصیلات کے مطابق اکھلیش یادو کو رامپور میں اعظم خان کی حمایت میں مظاہرہ کرنے والے تھے لیکن اب ان کا دورہ موخر کر دیا گیا ہے۔
اس درمیان اکھلیش یادو نے لکھنؤ میں واقع اپنے پارٹی دفتر میں پریس کانفرنس میں کہ وہ تہواروں کے مدنظر اپنا رامپور دورہ منسوخ کر رہے ہیں اور اب وہ 13 اور 14 ستمبر کو رامپور کا دورہ کریں گے۔
