نوئیڈا ڈی ایم نے مختلف ہسپتالوں کا دورہ کرکے حالات کا لیا جائزہ

نوئیڈا کے ضلع مجسٹریٹ سہاس ایل وائی نے آج اپنی ٹیم کے ہمراہ جمس کویڈ سنٹر اور نمس کویڈ ہسپتال کا دورہ کیا اور سائٹ کا معائنہ کیا۔

ڈسٹرکٹ مجسٹریٹ نے معائنے کے دوران محکمہ صحت اور انتظامیہ کے عہدیداروں کو سخت ہدایت دی ہے کہ آئسولیشن وارڈ میں داخل ہونے والے تمام کورونا مریضوں کا علاج کوویڈ 19 پروٹوکول کے مطابق کیا جائے اور انہیں بروقت ناشتہ اور کھانے کا بندوبست کیا جائے۔

انہوں نے یہ بھی کہا کہ آئسولیشن وارڈ میں صفائی خاص خیال رکھا جائے تاکہ تمام مریض جلدازجلد صحتیاب ہوکر اپنے گھر جاسکیں۔ انہوں نے علاج کے دوران عملہ اور ڈاکٹرز کو سنجیدگی سے کام کرنے کی ہدایت دی اور کہا کہ کسی بھی غفلت یا کوتاہی پر سخت کاروائی کی جائے گی۔

ڈسٹرکٹ مجسٹریٹ سہاس ایل وائی کے دورے کے موقع پر چیف ڈیولپمنٹ آفیسر انیل کمار سنگھ، ڈپٹی ڈسٹرکٹ آفیسر سدار پرسن دیویدی، ایڈیشنل چیف میڈیکل آفیسر ڈاکٹر ڈھاکا اور اعلیٰ عہدیدار موجود تھے۔